TAUROPOLIUM

TAUROPOLIUM
urbs Aquitaniae. Erat et templum Dianae in Samo insul. praeclarum, Steph. in Iearia. Dionysius,
——– Ο῞θι Ταυροπόλοιο θεοῖο
Βωμοὶ κνιςςήεντες ἀδευκέα καπνὸν ἔχουσι.
Vide Suidam in Ταυροπόλαν. Quibusdam idem cum Taurobolio, de quo supra. Et certe Minerva Ταυροβόλος in Andro Insul. colebatur teste Suidâ: et Diana quoque vocata est Ταυροβόλος, quia confecit telis suis taurum a Neptuno immissum Hippolyto, iuxta Poetas. Simplicius, quia venationi praeposita. Sed et eadem Ταυροπόλος nuncupata est, an, quia, ut Ister, Miscell. 3. apud Suid. taurum praefato Hippolyto immissum in varias egerit terras: an, ut Apollodorus, quia ipsa tauri instar omnia circumeat: quod Graece est πολεῖν. Simplicissime dixeris, inquit Vossius, Lunam, quae est Diana, sic iure appellatam, quia corniculata, eoque tauri referens cornua, cursu suô diu noctuque omnem lustrat terrarum orbem, de Idol. l. 2. c. 53. Interim, ut ad Tauropolia, seu Taurica sacra Dianae, nihil omnino attinere boves, aut capita bubalina, sic nec revera ad sacra eius ulla, exceptis iis, quae Dianae Aventinae fiebant, in quibus, dum aliis in Artemisiis, quae non pauca Romae fuêre, cervorum cornua adfigi solebant (velut primitiae a Venatoribus allatae) cornua ex iure singulari boum adfigebantur, teste Plut. in Quaestion. Rom. diximus supra in voce Taurica. Quia vero et Taurobolium sacrum, aliquando Tauropolium, quamvis minus recte, dicitur, pauca haec ultra praedicta hîc adiungere libuit; romae ara est marmorea in aedibus (quae fuêre Cardinalis Caesii) in qua Cybele capite turritô, insidens currui a leonibus vecto, dextrâ spicas ac milium, laevâ autem tympanum habet, a tergo pedum: cum Inscript. M. D. M. I. ET. ATTINIS. i. e. Magnae Deum Matris Ideae; et subscr, ista: L. Cornelius. Scipio. Oreitus V. C. augur. Taurobolium. sive. Criobolium. fecit. die 4. Kal. Mart. Tusco. et. Annullino. Coss. Dextrô latere binas est conspicere incisas faces transversas, una cum crotalis; sinistrô autem fistulas, vide Gruterum, p. 27. num. 3. Sed et Romae, haud procul a Caesia domo, ara est Cybeles: cuius prima facies habet inscriptionem; aversa duas lances, poculum, lituum, aliud instrumentum ad cochlearis modum. In dextro latere est pinus, et sub ea Taurus; appendent item tympanum et fistulae: In finistro itidem pinus et sub ea aries atque appendent mithra, pedum et quiddam simile lanci. Vide ibid. Sic in ara, quae Romae in aede S. Nicolai in Calvaria visitut, ab Apollodoro, de quo supra, dedicatâ, in latere dextro turrita ast Cybele a leonibus vecta; adstat pinus et sub ea Taurus: laevô habes mithratum Attin, bis einctum; cuius dextra tenet fistulas et crotala, laeva autem pedum Superius est cernere tympanum; pone autem pinum, et sub illa arierem; sub quibus seorsim est taurus. In parte aversa videas transversas taedas, lituum, pateram, guttum sive urceum et sympinium, apud eundem, p. 28. Et aries quidem, unde Criobolium, arbori alligabatur, priusquam mactaretur: quod Iulius Firmicus ab exemplo Abrahae Patriarchae tractum ait. Vide Gerh. Io. Voss. de Idolol. locô cit. et supra.

Hofmann J. Lexicon universale. 1698.

Look at other dictionaries:

  • TAUROBOLIUM — Graece Ταυροβόλιον, et Criobolium, Graece Κριοβόλιον, sacrificia fastidiosissima atque operosissima Veter. alibi quam in saxis raro occurrentia, usitata fuêre, in dedicationibus Deûm Magnorum, Matris Deûm et Attidis, quibus ut propria memorantur …   Hofmann J. Lexicon universale

  • Taurobolio — Este artículo o sección necesita una revisión de ortografía y gramática. Puedes colaborar editándolo (lee aquí sugerencias para mejorar tu ortografía). Cuando se haya corregido, borra este aviso por favor …   Wikipedia Español

  • LACTORACIUM, s. LACTORA — urbs Aquitaniae, Episcopal. sub Archiep. Auscensi, Lectour, Scalig. Anton. Lactura. Nunc in Armeniaco Comit. in colle, iuxta Aegircium fluv. qui apud Aginnum in Garumnam influit. Baudr. Leomaniae caput est, a qua Vicecomitis Leomaniae Lactorenses …   Hofmann J. Lexicon universale

  • LECTORA, al. LECTORIUM, LACTORA et CIVITAS LAICTORATIUM, Gall. LEICTOURE — LECTORA, al. LECTORIUM, LACTORA, et CIVITAS LAICTORATIUM, Gall. LEICTOURE urbs vetusta Gall. tractûs Armaniaci secunda, ad fluv. Gers, in regiunc. Lomania, Episcopal. sub Archiep. Auscitano. Hîc Tauropolium Matri Deorum factum, pro salute Mag.… …   Hofmann J. Lexicon universale

  • NARBONENSIS Gallia — quae et Braccata Plinio, l. 5. c. 4. una ex 4. Galliae partibus, a Pyrenaeis montibus, Galliam ab Hispania separantibus, ad Alpes, quae eandem ab Italia dividunt, extenditur, in 4. regiones divisa, Occitanam a Garumna ad Rhodanum, Provinciam a… …   Hofmann J. Lexicon universale

  • TAURICA Sacra — memorata Prudentio, contra Symm. l. 1. tit. in Spectac. v. 396. In cassum arguere iam Taurica sacra solemus: videntur Taurobolia, de quibus infra, innuere vel saltem complecti; licet a variis viris doctis sumantur illic, pro tauris Plutoni… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.